ကျွန်တော်နဲ့ ဒူဘိုင်းရောက်ခါစ . . .
Ξ May 28th, 2009 | → 2 Comments | ∇ About UAE |
ဒူဘိုင်းရဲ့ တခြားကုမ္မဏီတွေတော့ မပြောတတ်ဘူး။ ကျွန်တော်တို့ ကုမ္မဏီကတော့ ရောက်ရောက်ချင်း ကြိုတင်ငွေ (Advance) ကို မပေးသေးဘူးခင်ဗျ။ ကျွန်တော်ပြောခဲ့ဘူးသလို ကျွန်တော်တို့ဟိုတယ်ကလည်း အဲဒီအချိန်မဖွင့်သေးတာလဲ ပါမှာပေါ့။ ဒီလိုနဲ့ အိပ်လိုက်၊ စားလိုက်ပေါ့ဗျာ။ ရန်ကုန်ကနေတော့ ကျွန်တော်ဒေါ်လာ (၅၀) ပဲထည့်လာတယ်။ ရောက်ပြီးသုံး၊ လေးရက်လောက်ကြာတော့ နိုင်ငံခြားမှာ အရမ်းလိုအပ်တဲ့ ဖုန်းကဒ်တစ်ကဒ်ဝယ်တယ်ဗျာ။ ဟဖ်ရှုးတစ်ရံဝယ်တယ်ဗျာ။ တခြားအပိုဆိုလို့ ကျွန်တော်ဘာမှ မသုံးခဲ့ဘူးဗျ။ (ယူလာမိတာကလည်း ၅၀ ပဲကိုး) အားလုံးသိကြတဲ့အတိုင်း ဘယ်နိုင်ငံကနေပဲဖြစ်ဖြစ် ကျွန်တော်တို့မြန်မာပြည်ကို ဖုန်းဆက်ရင် ဈေးအင်မတန်ကြီးတော့ ဖုန်းတောင်ကျွန်တော်ရောက်ပြီး ၃ ရက်လောက်နေမှ (၁) ခေါက်ပဲ ဆက်ဖြစ်တယ်။ မိန်းမကိုလည်း အရမ်းလွမ်းတာကိုးဗျာ။ ဒီလိုနဲ့ ကျွန်တော့်မှာ ကျန်နေတဲ့ငွေစလေးတွေကို ကျွန်တော်တစ်နေရာမှာပဲ သုံးစွဲခဲ့ပါတယ်။ (ဟုတ်ကဲ့၊ ကျွန်တော်အဓိက ပြောချင်တဲ့အကြောင်းက အခုမှစမှာပါ) ညနေပိုင်း ကျွန်တော်အိမ်မပြန်ခင် cyber cafe ကိုသွားပြီး ကျွန်တော့်မိန်းမနဲ့ ချက်တင်ထိုင်တာပါ။ တစ်နာရီကို ယူအေအီးပိုက်ဆံ ၃ ဒရ်ဟမ် ပါ။ ၁ ယူအက်စ်ကို ယူအေအီးငွေ 3.65 ပေါက်ပါတယ်။ နေ့တိုင်းလိုလို ကျွန်တော်တို့ ၂ ကြိမ်စီထိုင်ဖြစ်ပါတယ်။ အလုပ်ကလည်း မဆင်းဖြစ်သေးတော့ အဆင်ပြေပါတယ်။ ဒီလိုနဲ့ အလုပ်မှာ Training လည်းစရော ကျွန်တော်လည်း နဂိုလိုထွက်လို့မရတော့ဘူး။ အမြဲတမ်းမိန်းမနဲ့ ပြောနေကျအချိန်ဆို ရင်ထဲမှာပူသလို လောင်သလိုလိုပေါ့ဗျာ။ ဒါပေမယ့် တစ်ရက်မှာတစ်ကြိမ်တော့ ကျွန်တော်တို့တွေ့ဖြစ်ကြပါတယ်။ မကြာပါဘူး။ ကျွန်တော့်ရဲ့ အိတ်ဆောင်ပိုက်ဆံလေးတွေ ကုန်ပါရော။ ဘယ်လိုလုပ်ရမှန်းလည်း မသိဘူးပေါ့ဗျာ။ ကံကောင်းချင်တော့ ကျွန်တော်သယ်လာခဲ့တဲ့ ပုဇွန်ခြောက်ထုပ်ကို လိုချင်တဲ့သူတစ်ယောက် ပေါ်လာပါတယ်။ သူကလဲ ရောင်းခိုင်းတာပါ။ ကျွန်တော်လည်း ငွေလိုနေတဲ့အချိန်ဆိုတော့ ၇၀ နဲ့ရောင်းလိုက်ပါတယ်။ သူက ၁၀၀ ပေးသွားပါတယ်။ ကျွန်တော့်အတွက် အဆင်ပြေသွားပါတယ်။ ကျွန်တော်ချက်တင်ကို အရင်ထက်ပိုကြာကြာ သုံးနိုင်သွားပါတယ်။ ကျွန်တော့်မိန်းမကလည်း ရန်ကုန်အချိန် ၁၀ နာရီ၊ ၁၁ နာရီ အထိထိုင်ပေးပြီး ကျွန်တော်နဲ့ စကားပြောကြပါတယ်။ ပုဇွန်ခြောက်ရောင်းလို့ရတဲ့ ငွေထဲက ၁ ဒရ်ဟမ်ကိုပဲ ဆပ်ပြာမှုန့်ဗူးတစ်ခု ၀ယ်ခဲ့ပါတယ်။ ကျန်နေတဲ့ပိုက်ဆံတွေကတော့ ကျွန်တော့်မိန်းမနဲ့ အင်တာနက်မှာ စကားပြောရင်းနဲ့ပဲ ကုန်သွားခဲ့ပါတယ်။ ပိုက်ဆံကုန်သွားပြီး ၁ ရက်၊ ၂ ရက်လောက်ကြာတော့ ကုမ္မဏီက ကြိုတင်ငွေထုတ်ပေးပါတယ်။ ယူအေအီးပိုက်ဆံ ၂၀၀ ပါ။ ရလာတဲ့အဲဒီပိုက်ဆံလေးကို ကျစ်ထားပြီး ကျွန်တော် Breakfast တောင် အပြင်မှာဝယ်မစားခဲ့ပါဘူး။ ဟိုတယ်က နေ့လည်စာ၊ ညစာကျွေးပါတယ်။ ကုန်ကုန်ပြောမယ်ဗျာ။ တခါတလေညစာကျွေးချိန်အမှီ မရောက်သွားလို့ ညစာပျောက်သွားတာတောင် အပြင်မှာကျွန်တော်ဝယ်မစားခဲ့ပါဘူး။ အင်တာနက်သုံးဖို့၊ ကျွန်တော့်ဇနီးလေးနဲ့တွေ့ဖို့နေရာမှာ သုံးရမယ့်ပိုက်ဆံလေး ပဲ့သွားမျာစိုးလို့ပါ။
ဟုတ်ကဲ့…. တချိန်က ကျွန်တော့်ချစ်သူ၊ အခုကျွန်တော့်ရဲ့ဇနီး၊ သူ့ကို ကျွန်တော်အရမ်းချစ်ပါတယ်။
အားဆေးပုလင်း